Baxtiyor Ashurmatov “Turon” bosh murabbiyligiga tayinlandi. Bu haqda yaypanliklar matbuot xizmati ma’lum qildi.
9-oktabr kuni klub rahbariyati yig‘ilishida Baxtiyor Ashurmatov bosh murabbiy etib tayinlangani ma’lum qilingan. Shu vaqtga qadar “Turon”ni boshqarib kelgan Anvar Berdiyev jamoadan ketmaydi va Ashurmatovning shtabidan joy oladi.
Ashurmatov bunga qadar “OKMK”, “Guliston”, “Surxon”, “Buxoro”, “Andijon”, “Navbahor” va “Qo‘qon-1912” klublarida bosh murabbiy sifatida faoliyat olib borgan. Mutaxassis iyul oyida qo‘qonliklar boshqaruvini tark etgandi.
“Turon” Pro-Liga 20-turidan keyin 39 ochko bilan ikkinchi o‘rinda bormoqda.
Izoh (0)