Бахтиёр Ашурматов «Турон» бош мураббийлигига тайинланди. Бу ҳақда яйпанликлар матбуот хизмати маълум қилди.
9 октябрь куни клуб раҳбарияти йиғилишида Бахтиёр Ашурматов бош мураббий этиб тайинлангани маълум қилинган. Шу вақтга қадар «Турон»ни бошқариб келган Анвар Бердиев жамоадан кетмайди ва Ашурматовнинг штабидан жой олади.
Ашурматов бунга қадар «ОКМК», «Гулистон», «Сурхон», «Бухоро», «Андижон», «Навбаҳор» ва «Қўқон-1912» клубларида бош мураббий сифатида фаолият олиб борган. Мутахассис июль ойида қўқонликлар бошқарувини тарк этганди.
«Турон» Про-Лига 20-туридан кейин 39 очко билан иккинчи ўринда бормоқда.
Изоҳ (0)