Ижтимоий тармоқларда Фарғонада фуқаролар ҳайдовчиларни тартибга чақириш мақсадида хизмат олиб бораётган ходимларнинг ёнига келиб, қўпол муносабатда бўлгани акс этган видеолавҳа тарқалди. Йўл ҳаракати хавфсизлиги бошқармаси ҳолатга муносабат билдирди.
Видеотасвирдаги ҳолат 6 октябрь куни Фарғона шаҳри Кичик ҳалқа йўлида хизмат олиб бораётган мултирадар мобил комплексидаги кузатув камерасидан олинган.
Асли марғилонлик икки нафар ака-ука ҳеч қандай сабабсиз махсус автомобиль олдига келиб, хизмат ўтаётган ходимларга халақит бериб, қонуни талабига бўйсунмасдан, жамоат тартибини бузишган.
«Ходимлар билан тортишиб, нотўғри иш қилдик. Пушаймонман, бошқа қайтарилмайди. Ҳаммадан узр сўраймиз», — дейди ҳуқуқбузарлар.
Ҳолат юзасидан Р.М. ва Р.М.га нисбатан Маъмурий жавобгарлик тўғрисидаги кодекснинг 183-моддаси ва 194-моддаси 1-қисмида кўрсатилган жиноятни содир этганликда айбдор деб топилган. Уларга нисбатан 15 сутка маъмурий қамоқ жазоси тайинланган.
Изоҳ (0)