Saudiya Arabistoni AQSHda benzin narxi oshishiga uning neft qazib olish sohasidagi xatti-harakatlari turtki berganini rad etdi. Avvalroq Jo Bayden narxlar Saudiya Arabistoni va Rossiyaning harakatlari tufayli ko‘tarilib ketganini aytgandi.
Fox News xabariga ko‘ra, Saudiya Arabistoni davlat vaziri Odil al-Jubayr AQSHda yonilg‘i qimmatlashuvi neftni qayta ishlash korxonalarining yetarlicha quvvatga ega emasligi bilan bog‘liqligini aytgan. AQSH o‘n yillardan buyon yangi neftni qayta ishlash zavodlarini qurmagan, mana shu narsa narxlar o‘sishiga olib kelgan, deya ta’kidladi u.
Shuningdek, u qirollik neft narxini oshirish orqali AQSH manfaatlariga zid harakatlarni amalga oshirayotganini ham rad etdi.
Yaqinda OPEK+ neft qazib olishni kuniga 2 million barrelga qisqartirishga qaror qilgandi. AQSH arab mamlakatlarini Rossiyaning ushbu tashabbusiga qarshi chiqishga ko‘ndirishga urindi, biroq bu samarasiz bo‘ldi.
Izoh (0)