Саудия Арабистони АҚШда бензин нархи ошишига унинг нефть қазиб олиш соҳасидаги хатти-ҳаракатлари туртки берганини рад этди. Аввалроқ Жо Байден нархлар Саудия Арабистони ва Россиянинг ҳаракатлари туфайли кўтарилиб кетганини айтганди.
Fox News хабарига кўра, Саудия Арабистони давлат вазири Одил ал-Жубайр АҚШда ёнилғи қимматлашуви нефтни қайта ишлаш корхоналарининг етарлича қувватга эга эмаслиги билан боғлиқлигини айтган. АҚШ ўн йиллардан буён янги нефтни қайта ишлаш заводларини қурмаган, мана шу нарса нархлар ўсишига олиб келган, дея таъкидлади у.
Шунингдек, у қироллик нефть нархини ошириш орқали АҚШ манфаатларига зид ҳаракатларни амалга ошираётганини ҳам рад этди.
Яқинда ОПЕК+ нефть қазиб олишни кунига 2 миллион баррелга қисқартиришга қарор қилганди. АҚШ араб мамлакатларини Россиянинг ушбу ташаббусига қарши чиқишга кўндиришга уринди, бироқ бу самарасиз бўлди.
Изоҳ (0)