Alphabet таркибига кирувчи Google компанияси 2023 йилда Японияда ўзининг биринчи маълумотлар марказини (ДПC) очишни режалаштирмоқда. Бу ҳақда бош директор Сундар Пичаига таяниб, «Интерфакс» хабар бермоқда.
Дата марказ Чиба префектурасидаги Инзай кичик шаҳарчасида жойлашади. У компаниянинг 2022—2024 йиллар оралиғида мамлакатдаги 730 миллион долларлик инфратузилма инвестиция дастури доирасида очилади.
Маълумотлар марказининг очилиши ҳақидаги эълон Пичаининг Японияга ташрифи ва бош вазир Фумио Кисида билан учрашувидан сўнг эълон қилинди.
Alphabet аллақачон Осиё, Сингапур ва Тайванда бир нечта маълумотлар марказларига эга.
Аввалроқ компания жорий йилда АҚШда янги маълумотлар марказлари ва офисларини қуриш учун 9,5 миллиард доллар сарфлашни режалаштираётганини эълон қилган эди.
2022 йил бошидан буён Alphabet капиталлашуви 29,3 фоизга тушиб, 1,33 триллион долларни ташкил қилди.
Изоҳ (0)