Saudiyaning Saudi Aramco energetika kompaniyasi noyabr oyida Yevropa bozoriga yetkazib beriladigan Arab Light flagmani narxini 1,8 dollarga pasaytirdi. Bu haqda Bloomberg xabar bermoqda.
OPEK+ neft qazib olishni qisqartirish haqidagi yaqinda qabul qilgan qaroriga qaramay, treyderlarning Yevropa Ittifoqida Arab Light neftining bir barrelini 40 sentga oshishi haqidagi prognozlari o‘zini oqlamadi.
Shunga qaramay, narxlar AQSH bozorida 0,2 dollarga ko‘tarildi. Osiyo neft eksportchilari uchun noyabr narxi o‘zgarmadi.
Avvalroq Saudi Aramco Osiyo mintaqasi uchun avgust oyi uchun neft narxini oshirgandi — Arab Light neftining bir barrel narxi 2,8 dollarga oshgan.
Shu tariqa Saudiya neftining bir barreli Ummon va Dubay nefti savatiga qaraganda 9,3 dollarga qimmatlasha boshladi.
5-oktabr kuni OPEK+ qo‘mitasi kunlik neft qazib olishni 2 million barrelga qisqartirishga kelishib olgandi.
AQSH bu qarorni Rossiya manfaatlariga mos deb tanqid qildi, chunki ishlab chiqarishning qisqarishi energiya narxining oshishiga olib keladi.
Izoh (0)