“Tinchlik mukofotini bir mamlakatga hujum qilgan ikki davlat vakillari oldi” — Zelenskiy ofisi Nobel qo‘mitasini tanqid qildi

Ukraina prezidenti ofisi rahbari maslahatchisi Mixail Podolyak 2022-yilgi tinchlik uchun Nobel mukofotining Rossiya va Belarus huquq himoyachilariga berilishini tanqid qildi, deya xabar qiladi Meduza.

“Tinchlik bo‘yicha Nobel mukofoti uchinchisiga hujum qilgan ikki davlat vakillariga birgalikda topshirilishini inobatga olsak, Nobel qo‘mitasining “tinchlik” so‘ziga nisbatan tushunchasi qiziqarli ekan”, — deb yozdi Podolyak Twitter’da.

Ukraina prezidenti ofisi rahbari maslahatchisining so‘zlariga ko‘ra, na Rossiya, na Belarus tashkilotlari urushga qarshilik ko‘rsatishni tashkil qila olmadilar. “Bu yilgi Nobel shunchaki super”, — deya qo‘shimcha qildi u.

Mavzuga doir: Tinchlik bo‘yicha 2022-yilgi Nobel mukofoti sovrindorlari e’lon qilindi