Сўнгги вақтларда банк хизматлари ёрдамида пулларни кўпайтириш ниқоби остида фирибгар сайтлар кўпайиб бормоқда. Улар Ўзбекистон аҳолисига пул ишлаш ёки нафақа олишнинг ноқонуний йўлларини таклиф қилмоқда.
Марказий банкнинг Finlit лойиҳаси фирибгарлардан эҳтиёт бўлиш ҳақида огоҳлантирди.
Уч карра фойда олишни ваъда қилган ҳолда фирибгарлар банкларнинг сохта сайт ҳаволаларига ўтишни ва шахсий банк картаси маълумотларни қолдиришни таклиф қилишмоқда.
Қонуний сайтларни сохта сайтдан қандай фарқлаш мумкин?
Шунчаки браузерда сайт саҳифасининг манзилини текшириб кўриш керак. Агар саҳифа манзилида қўшимча ҳарфлар бўлса ёки аксинча, белгилар етарли бўлмаса — бу сохта сайт ва бундай сайтга шахсий маълумотларни киритиш хавфли.
Бундан ташқари, агар сизга ушбу код сизнинг шахсингизни тасдиқлаш ёки пул олиш учун кераклиги айтилган бўлса ҳам — ҳеч қачон нотаниш веб-саҳифаларда SMS хабарлардан тасдиқлаш кодларини киритманг, — дейди Finlit.
Таъкидланишича, фирибгарлар шу усулда барча пулларни ўзларига олишлари мумкин.
Мавзуга доир: Онлайн фирибгарлик: фишинг нима ва ундан қандай ҳимояланиш керак?
Изоҳ (0)