“Bavariya” Chempionlar Ligasi guruh bosqichi 3-turida “Viktoriya” ustidan 5:0 hisobida g‘alaba qozondi.
Yulian Nagelsmann shogirdlari Chempionlar Ligasi guruh bosqichidagi mag‘lubiyatsiz seriyasini davom ettirdi.
So‘nggi bor nemis klubi 2017-yil YCHL guruh bosqichida mag‘lub bo‘lgandi. Shundan buyon myunxenliklar 28 ta g‘alaba va 3 ta durang qayd etdi. Ta’kidlab o‘tish joiz, “Bavariya” ushbu o‘yinlarning barchasiga gol urgan.
31 o‘yinlik mag‘lubiyatsiz seriya — musobaqa rekordi hisoblanadi. Avvalgi rekord Madridning “Real” jamoasiga tegishli edi. “Qaymoqranglilar” 2012-yildan 2017-yilga qadar guruh bosqichida 30 ta o‘yinda mag‘lub bo‘lmagan.
“Bavariya”ning keyingi o‘yini 12-oktabr sanasida “Viktoriya”ga qarshi bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)