«Бавария» Чемпионлар Лигаси гуруҳ босқичи 3-турида «Виктория» устидан 5:0 ҳисобида ғалаба қозонди.
Юлиан Нагелсманн шогирдлари Чемпионлар Лигаси гуруҳ босқичидаги мағлубиятсиз сериясини давом эттирди.
Сўнгги бор немис клуби 2017 йил ЕЧЛ гуруҳ босқичида мағлуб бўлганди. Шундан буён мюнхенликлар 28 та ғалаба ва 3 та дуранг қайд этди. Таъкидлаб ўтиш жоиз, «Бавария» ушбу ўйинларнинг барчасига гол урган.
31 ўйинлик мағлубиятсиз серия — мусобақа рекорди ҳисобланади. Аввалги рекорд Мадриднинг «Реал» жамоасига тегишли эди. «Қаймоқранглилар» 2012 йилдан 2017 йилга қадар гуруҳ босқичида 30 та ўйинда мағлуб бўлмаган.
«Бавария»нинг кейинги ўйини 12 октябрь санасида «Виктория»га қарши бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)