Ispaniyaning Kataloniya hududi Jirona provinsiyasida sodir bo‘lgan portlash oqibatida kamida 18 kishi, jumladan, o‘n nafar bola jarohat oldi. Hodisa mahalliy universitet tomonidan ilmiy tajriba o‘tkazilayotgan paytda sodir bo‘ldi, deb xabar bermoqda El Pais gazetasi.
Mahalliy universitet xodimi tomoshabinlar oldida eksperiment o‘tkazgan, uni ko‘rishga 300 ga yaqin odam yig‘ilgan. Sinovlarning mohiyati suyuq azot va issiq suvni bitta bochkaga solganda nima bo‘lishini ko‘rsatish edi. Tajribada ikki nafar olim ishtirok etgan, biri suyuqlikni quygan, ikkinchisi metall barabanlarni ushlab turgan. Birinchi olim suv va azotni idishlarga quya boshlaganida, portlash sodir bo‘lgan.
Aynan nima yuz bergani haqida hozircha aniq ma’lumot berilmagan. Halok bo‘lganlar yo‘q, biroq eksperimentchilardan biri jiddiy jarohat olgan. Ayrim tomoshabinlar ham jarohatlangan, ularning barchasi kasalxonaga yotqizilgan.
Izoh (0)