AQSH prezidenti Jo Bayden 2022-yil 16-dekabrgacha Amerika hukumatini moliyalashtirish, jumladan, Ukrainaga qo‘shimcha yordam ko‘rsatish to‘g‘risidagi qonunni imzoladi, deb xabar bermoqda Oq uy sayti.
Tegishli qonun avvalroq AQSH Kongressining ikkala palatasi tomonidan ma’qullangan edi. 3 milliard dollar o‘q-dorilar, texnik xizmat ko‘rsatish, maoshlar, logistika uchun sarflanadi. 4,5 milliard dollar esa Ukraina davlat organlari ishini hamda Kiyevni iqtisodiy qo‘llab-quvvatlashga yo‘naltiriladi.
Bundan tashqari, qonun loyihasi Amerika qurollari arsenallarini to‘ldirish va yangi o‘q-dorilarni ishlab chiqarish uchun mablag‘ ajratishni nazarda tutadi. AQSHning Yevropadagi askarlariga 2,8 milliard dollar ajratiladi.
Vashington Donbass respublikalari, Zaporojye va Xerson viloyatlarida Rossiyaga qo‘shilish bo‘yicha referendumlar o‘tkazilganidan so‘ng Kiyevga 1,1 milliard dollar harbiy yordam ajratilishini e’lon qilgandi. Yangi paketga HIMARS baravar o‘t ochuvchi reaktiv tizimlari, 150 ta yo‘ltanlamas Humvee, radarlar va o‘q-dorilar kiradi. Shu tariqa, fevral oyi boshidan beri AQSHning Ukrainaga bergan harbiy yordami umumiy miqdori 16,2 milliard dollarga yetdi.
Izoh (0)