Krishtianu Ronaldu psixologga murojaat qilgani ma’lum bo‘ldi

Psixologiya professori, yozuvchi Jordan Piterson Krishtianu Ronaldu bilan suhbati haqida gapirdi.

U menga murojaat qildi. Bir necha oy oldin uning hayotida muammolar paydo bo‘lgan va uning do‘sti men ishtirokimdagi bir nechta videolarni Ronalduga jo‘natgan. Krishtianu u videolarni ko‘rgani, mening bitta kitobimni o‘qib chiqqani va foydali deb hisoblaganini aytdi.

U men bilan gaplashishni xohladi va uyiga chaqirdi. Suhbatimiz ikki soat davom etdi.

Krishtianu formasini uchlab turish uchun foydalanadigan barcha jihozlarini ko‘rsatdi, o‘z kompaniyasi haqida gapirdi, biroq asosan kelajak haqida gaplashdik. U hayotida duch kelayotgan ba’zi to‘siqlar haqida gapirdi. U bilan strategik suhbat qurdik deb ayta olaman.

Jordan Piterson, psixolog

37 yoshli hujumchi mavsumni ko‘ngildagidek boshlay olmadi. Ronaldu joriy mavsum “Manchester Yunayted” va Portugaliya safida 10 ta o‘yinda ishtirok etdi va faqatgina Yevropa Ligasida “Sheriff”ga qarshi uchrashuvda gol urishga muvaffaq bo‘ldi. Portugaliyalik o‘yinning 39-daqiqasida penaltini aniq amalga oshirgan.