Futbol bo‘yicha OFK Kubogi—2022 hududlararo final o‘yinida “So‘g‘diyona” Malayziyaning “Kuala Lumpur Siti” klubiga qarshi bahs olib boradi.
“So‘g‘diyona” va “Kuala Lumpur Siti” o‘rtasidagi uchrashuvni Ali Sabah Adday al-Qaysi boshchiligidagi iroqlik hakamlar guruhi boshqarib boradi. Unga qanotda Haydar Abdulhasan Ali Ubaydi va Amir Davud Hussayn yordam beradi.
Mazkur uchrashuv 5-oktabr kuni Jizzaxdagi “So‘g‘diyona Markaziy” stadionida bo‘lib o‘tadi.
OFK Kubogi guruh bosqichi muvaffaqiyatli yakunlagan Ulug‘bek Baqoyev shogirdlari markaziy mintaqa finalida Tojikistonning “Xo‘jand” jamoasini yenggandi. Yarim finalda esa “Istern” jamoasi mag‘lub etilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)