Andijon davlat tibbiyot instituti 1955-yilda tashkil etilgan bo‘lib, bugungi kunda jami 815 nafar professor-o‘qituvchilar talabalarga zamonaviy tibbiy bilimlarni berib kelmoqda. Hozirda muassasada sakkizta yo‘nalishida jami 8 ming 253 nafar (shundan 2 ming 761 nafari xotin qizlar) talaba tahsil olmoqda.
Davlatimiz rahbarining 2021-yil 27-yanvardagi yoshlar bandligi va ularning hordig‘ini tashkil etishga bag‘ishlangan yig‘ilishda bergan topshiriqlari ijrosini ta’minlash maqsadida institutda ham talabalar, ayniqsa talaba-qizlarni turar joy bilan ta’minlash borasida bir qator ishlar amalga oshirilmoqda.
Joriy yilning 20-sentyabr kuni Bosh vazir Abdulla Aripov raisligida o‘tkazilgan videoselektor yig‘ilishida belgilangan vazifalar asosida viloyat hokimi Shuhrat Abdurahmonovning bergan topshirig‘iga binoan institutda rektor boshchiligida ishchi guruhi tuzilib, maxsus shtab tashkil qilindi.
Ishchi guruhi tomonidan ijarada yashayotgan har-bir qizning yashash sharoiti o‘rganilib, yaxshi sharoitga ega bo‘lmaganlarini bosqichma-bosqich turar joy bilan ta’minlashga e’tibor qaratilmoqda. Bugunga qadar murojaat qilgan ijara xonadonlarida istiqomat qilayotgan sharoiti og‘ir bo‘lgan 13 nafar qizlar belgilangan tartibda Talabalar turar joyiga ko‘chirilishi ta’minlandi.
Bundan birinchi navbatda uzoq hududlardan kelib 1-bosqichda o‘qiyotgan qizlarga alohida e’tibor qaratilmoqda.
Ayni paytda institutga qarashli 1 ming 54 o‘ringa mo‘ljallangan talabalar turar joyi 100 foiz ta’minlangan bo‘lib, unda 538 nafar qizlar istiqomat qilmoqda. Yotoqxonada talabalar uchun barcha imkoniyatlar yaratilgan bo‘lib, darsdan keyingi bo‘sh vaqtlarini unumli o‘tkazishlari uchun sport va kasb-hunar to‘garaklari, Besh tashabbus xonalari, kutubxona tunu kun faoliyat olib bormoqda.
Talabalarning soni keskin ortib ketayotganligi sababli turar joyga ehtiyojmand 2 ming 761 nafar qizlar xususiy yotoqxonalarga va institutga yaqin bo‘lgan xududlardagi ijara xonadonlariga joylashtirilgan. Jumladan, Andijon shahridagi “Chempion bolajon” nodavlat ta’lim muassasasining bo‘sh turgan binosiga hamda Andijon tumanidagi “Alsaida” xususiy yotoqxonasiga 200 nafarga yaqin talaba qizlar joylashtirilgan bo‘lib, bu yerda ularga nafaqat yashash, balki kasb-hunar o‘rganish, muntazam sport bilan shug‘ullanishlari uchun barcha shart sharoitlar yaratilgan.
Ijara xonadonlarida yashash istagini bildirgan qizlarga ham institutga yaqin bo‘lgan hududlardagi ijara xonadonlari bilan ham kelishuv qilingan bo‘lib, mazkur xonadonlarda ham yetarli sharoitlar yaratilgan. Institut rahbariyati va tyutorlar tomonidan doimiy ravishda qizlarning holidan xabar olinib, xonadon egalari bilan suhbatlar o‘tkazib borilmoqda.
Ta’kidlash lozim, ijara xonadonlarida istiqomat qiluvchi jami 683 nafar talaba-qizlarning 150 nafardan ziyodiga Vazirlar Mahkamasining 2021-yil 24-sentabrdagi Qaroriga muvofiq xonadon egasi bilan tuzulgan shartnoma asosida bazaviy xisoblash miqdorining 50 foizigacha bo‘lgan miqdorda ijara haqlari qoplab berilmoqda.
Kelgusida qolgan qizlarga ham ijara shartnomalarining bir qismini to‘lab berish ko‘zda tutilgan.
Bundan tashqari talabalarni turar joy bilan qamrab olish darajasini oshirish maqsadida qabul qilingan Vazirlar Mahkamasining 2021-yil 9-sentabrdagi “Respublika oliy ta’lim muassasalarida talabalarni turar joy bilan qamrab olish darajasini oshirish chora-tadbirlari to‘g‘risida”gi qarori ijrosini ta’minlash doirasida ham ishlar amalga oshirilmoqda. Qarorga asosan institut hududida 2025—2026 o‘quv yiliga qadar davlat-xususiy sheriklik asosida 1600 o‘rinli 4 ta Talabalar turar joyi binosini qurib bitkazish belgilangan.
Ayni paytda yotoqxona hududida 400 o‘ringa mo‘ljallangan yangi binoni qurish ishlari olib borilmoqda. Maxsus loyiha asosida zamonaviy me’moriy uslubda qurilayotgan mazkur binoni yil oxiriga qadar foydalanishga topshirish nazarda tutilgan.
Reklama huquqi asosida.
Izoh (0)