O‘zbek-yapon biznes-forumi doirasida Mimar Group va Zion Investment Trust yaponiyalik tadbirkorlari bilan hamkorlikni rivojlantirish uchun zarur shart-sharoitlarni yaratishga kelishdi.
23—24-sentabr kunlari Toshkent shahrida Japan-Uz Expo 2022 o‘zbek-yapon biznes-forumi bo‘lib o‘tdi. Mazkur tadbirda 100 dan ortiq Yaponiya kompaniyalari rahbarlari, o‘zbekistonlik tadbirkorlar hamda jamoat tashkilotlari vakillari ishtirok etdi.
Biznes-forum doirasida Mimar Group qurilish xoldingi Zion Investment Trust kompaniyasi bilan kelishuv shartnomasini imzoladi.
Hamkorlikning ustuvor yo‘nalishlari sifatida quyidagilar belgilandi:
- Yaponiya biznes doiralarining Mimar Group tomonidan amalga oshirilayotgan loyihalari to‘g‘risida xabardorlikni oshirish;
- Yaponiyalik tadbirkorlari bilan hamkorlikni rivojlantirish uchun zarur shart-sharoitlarni yaratish.
Zion Investment Trust vakillari Mimar Group loyihalarini yuksak baholab, investitsion hamkorlikni rivojlantirishga qiziqish bildirishdi. Zion Investment Trust rahbari Kazuyuki Toratani, bugungi kunda mamlakatimizda chet ellik tadbirkorlar uchun katta imkoniyatlar va qulay sharoitlar yaratilayotganini ta’kidlab o‘tdi.
Kazuyuki Toratanining fikricha, qurilish va development sohalarining jadal rivojlanishi ko‘chmas mulkka sarmoya kiritayotgan yaponiyalik tadbirkorlari uchun keng imkoniyatlar ochmoqda.
Zion Investment Trust bilan imzolangan kelishuv shatnomasi Mimar Group loyihalarini chet elda targ‘ib qilishga va xorijiy tadbirkorlar bilan hamkorlik aloqalarni kengaytirishga xizmat qiladi.
Mimar Group — yirik shaharsozlik loyihalarni amalga oshirishga ixtisoslashgan ko‘p tarmoqli qurilish xoldingi hisoblanadi. Ayni paytda Mimar Group o‘zining flagman loyihasi — Tashkent INDEX savdo va ishlab chiqarish majmuasini qurish loyihasini amalga oshirmoqda.
Tashkent INDEX majmuasi 72 gektar maydoniga ega bo‘lib, ishlab chiqarish maydonlari, 3 000 dan ortiq savdo do‘konlari, ekspomarkaz, mehmonxona, kichik tadbirkorlik uchun joylar va ko‘plab boshqa obyektlarni o‘zida mujassamlashtiradi.
Zion Investment Trust — Toshkent shahrida shtab-kvartirasiga ega yirik investitsion jamg‘armasi bo‘lib, istiqbolli biznes loyihalarni izlash va ularni Yaponiyada targ‘ib qilish bo‘yicha ishlarni amalga oshirmoqda.
Reklama huquqi asosida.
Izoh (0)