Ўзбек-япон бизнес-форуми доирасида Mimar Group ва Zion Investment Trust япониялик тадбиркорлари билан ҳамкорликни ривожлантириш учун зарур шарт-шароитларни яратишга келишди.
23—24 сентябрь кунлари Тошкент шаҳрида Japan-Uz Expo 2022 ўзбек-япон бизнес-форуми бўлиб ўтди. Мазкур тадбирда 100 дан ортиқ Япония компаниялари раҳбарлари, ўзбекистонлик тадбиркорлар ҳамда жамоат ташкилотлари вакиллари иштирок этди.
Бизнес-форум доирасида Mimar Group қурилиш холдинги Zion Investment Trust компанияси билан келишув шартномасини имзолади.
Ҳамкорликнинг устувор йўналишлари сифатида қуйидагилар белгиланди:
- Япония бизнес доираларининг Mimar Group томонидан амалга оширилаётган лойиҳалари тўғрисида хабардорликни ошириш;
- Япониялик тадбиркорлари билан ҳамкорликни ривожлантириш учун зарур шарт-шароитларни яратиш.
Zion Investment Trust вакиллари Mimar Group лойиҳаларини юксак баҳолаб, инвестицион ҳамкорликни ривожлантиришга қизиқиш билдиришди. Zion Investment Trust раҳбари Казуюки Торатани, бугунги кунда мамлакатимизда чет эллик тадбиркорлар учун катта имкониятлар ва қулай шароитлар яратилаётганини таъкидлаб ўтди.
Казуюки Торатанининг фикрича, қурилиш ва девелопмент соҳаларининг жадал ривожланиши кўчмас мулкка сармоя киритаётган япониялик тадбиркорлари учун кенг имкониятлар очмоқда.
Zion Investment Trust билан имзоланган келишув шатномаси Mimar Group лойиҳаларини чет элда тарғиб қилишга ва хорижий тадбиркорлар билан ҳамкорлик алоқаларни кенгайтиришга хизмат қилади.
Mimar Group — йирик шаҳарсозлик лойиҳаларни амалга оширишга ихтисослашган кўп тармоқли қурилиш холдинги ҳисобланади. Айни пайтда Mimar Group ўзининг флагман лойиҳаси — Tashkent INDEX савдо ва ишлаб чиқариш мажмуасини қуриш лойиҳасини амалга оширмоқда.
Tashkent INDEX мажмуаси 72 гектар майдонига эга бўлиб, ишлаб чиқариш майдонлари, 3 000 дан ортиқ савдо дўконлари, экспомарказ, меҳмонхона, кичик тадбиркорлик учун жойлар ва кўплаб бошқа объектларни ўзида мужассамлаштиради.
Zion Investment Trust — Тошкент шаҳрида штаб-квартирасига эга йирик инвестицион жамғармаси бўлиб, истиқболли бизнес лойиҳаларни излаш ва уларни Японияда тарғиб қилиш бўйича ишларни амалга оширмоқда.
Реклама ҳуқуқи асосида.
Изоҳ (0)