Samarqand viloyati Bulung‘ur tumanida 16-sentabr kuni yuk mashinasi haydovchisi velosipeddagi bolani urib yubordi, deya xabar qilmoqda viloyat Ichki ishlar boshqarmasi.
Qayd etilishicha, yo‘l-transport hodisasi shu kuni soat 09:00 larda tumanning “Olmazor” mahallasidagi Paxtaboshi qishlog‘idan o‘tuvchi ichki avtomobil yo‘lida sodir bo‘lgan. Harakatlanib ketayotgan yuk mashinasi o‘zi bilan bir yo‘nalishda velosipedda ketayotgan bolani (2012-yilda tug‘ilgan) urib yuborgan.
YTH oqibatida 4-sinf o‘quvchisi olgan tan jarohati sabab voqea joyida halok bo‘lgan.
Izoh (0)