Siyosatshunos Kamoliddin Rabbimov Telegram’dagi sahifasida harbiy safarbarlikdan O‘zbekistonga qochib kelayotgan rossiyaliklar bilan qanday munosabatda bo‘lish kerakligi to‘g‘risida fikrlarini bildirdi.
Kamoliddin Rabbimovning yozishicha, rossiyaliklarning safarbarlikdan qochishi O‘zbekiston milliy manfaatlari va millat mustaqilligi uchun yaxshi yangilik.
Rossiyada e’lon qilingan harbiy safarbarlikdan qochib kelayotgan rossiyaliklarga O‘zbekiston aholisining munosabati qanday bo‘lishi kerak? Huquqiy jihatdan ularga hech qanday e’tiroz yo‘q va bo‘lishi ham mumkin emas: O‘zbekiston va Rossiya aholisi o‘zaro vizasiz, erkin harakatlanish huquqiga ega. Ma’naviy darajada esa, bu muhim savol. Chunki har bir insonning va butun bir jamiyatning ichki huquqdan ko‘ra chuqurroq, ma’naviy pozitsiyasi bo‘lishi tabiiy. Ma’naviy darajada O‘zbekistonga kelayotgan rossiyaliklarni tushunish bilan qabul qilish, yoki aksincha, ularga salbiy munosabatda bo‘lish mumkin.Avvalroq Kamoliddin Rabbimov Rossiyaning davlatchilik taqdiri qay tomonga o‘zgarishi Ukraina bilan bo‘layotgan urush yakuniga bog‘liqligi haqida fikr bildirgandi.Birinchidan, rossiyaliklarning bu safarbarlikdan qochishi – O‘zbekiston milliy manfaatlari uchun, millat mustaqilligi uchun juda katta va yaxshi yangilik! Agar rossiyaliklar Ukrainani, keyin boshqa postsovet davlatlarni safarbarlik orqali bosib olish borasida Kreml atrofida jipslashganida edi, bu qo‘rqinchli manzara bo‘lardi.
Ikkinchidan, xalqaro konvensiyalarga ko‘ra, insonlar zulmkor siyosiy muhitdan, rejimdan, hokimiyatdan qochish va boshqa hududlarda poshpana so‘rash huquqiga ega. Biz o‘zbekistonliklar rossiyaliklarning ksenofobik, shovinistik xatolarini takrorlamasligimiz kerak.
Uchinchidan, o‘zbekistonliklar rossiyaliklarga boshpana topishda yordam berishi, va ayni paytda Rossiyaning imperialistik siyosati batamom o‘zgarishi kerakligini muttasil bildirib borishlari kerak. Keyingi o‘n yilliklardagi Rossiyaning siyosiy tafakkuri imperializmdan, O‘zbekiston davlati va xalqiga nisbatan shovinistik kibrdan mutlaq tozalanishi lozim. Buning uchun O‘zbekiston millatining sifati, tafakkuri shunga yarasha o‘zgarishi, kristallashgan ong va irodaga ega bo‘lishi kerak.
Kamoliddin Rabbimov, siyosatshunos.
Eslatib o‘tamiz, Rossiya—Ukraina urushi 24-fevraldan beri davom etmoqda. 21-sentyabr kuni Rossiyada qisman harbiy safarbarlik e’lon qilindi. Safarbarlik boshlanganidan beri 261 ming nafar erkak Rossiyani tark etgan. Federatsiyaning turli hududlarida urush va safarbarlikka qarshi namoyishlar bo‘lib o‘tmoqda. Bir qator mamlakatlar rahbarlari urush va safarbarlikni to‘xtatish kerakligi haqida bong urib chiqmoqda.
Izoh (0)