Shavkat Mirziyoyev elektrotexnika sanoatidagi istiqbolli yo‘nalishlar hamda kelgusidagi asosiy vazifalar yuzasidan o‘tkazilayotgan yig‘ilishda tarmoqdagi o‘z yechimini kutayotgan dolzarb masalalarni ko‘rsatib o‘tdi.
Unga ko‘ra, jahon bozorlaridagi vaziyat ikki yilda eksportni 1,5 milliard dollarga yetkazish mumkinligini ko‘rsatmoqda. Ichki bozorda ham 1 milliard 300 million dollarlik import bozori bor. Bundan tashqari, ichki va atrofdagi bozorlarda yarim o‘tkazgich va elektron platalarga talab 6 milliard dollarni tashkil etadi.
Masalan, elektromobil sanoati uchun zarur litiy-temir-fosfatli batareyalar ishlab chiqarishga barcha xomashyo zaxirasi mavjud. Bu borada hududlarda barcha imkoniyatlar yaratib berilgan. Lekin hudud rahbarlari bu imkoniyatlarni hisob-kitob qilib, foydalanmayotgani ko‘rsatib o‘tildi.
Masalan, elektrotexnika mahsulotlari ishlab chiqarish quvvatlari Qoraqalpog‘iston, Buxoro, Qashqadaryo, Surxondaryo va Xorazmda qolgan hududlarga nisbatan 2–3 baravar past (200 milliard so‘mga yetmaydi).
Bugungi kunda eksport bozoriga bitta-ikkita mahalliy brend chiqa oldi, xolos. Eksportning 80 foizi shu brendlarga to‘g‘ri kelmoqda. Eksportni 1,5 milliard dollarga olib chiqish uchun esa kamida 3–4 ta yangi brend yaratish zarurligi ta’kidlandi.
Yaqinda prezident tomonidan tasdiqlangan qayta tiklanuvchi energiya manbalarini kengaytirish bo‘yicha dasturda:
- 34 mingta xonadon, vazirlik va idoralarning 6 mingta obyektida bunday qurilmalar o‘rnatilishi belgilandi;
- aholiga kompensatsiya olish, kreditni 3 yil ichida foizsiz bo‘lib-bo‘lib to‘lash imkoniyati yaratildi.
Mavzuga doir: O‘zbekistonda oxirgi 5 yilda elektrotexnika sanoatida ishlab chiqarish 4,5 baravarga, eksport 5 baravarga oshdi
Izoh (0)