Farg‘ona viloyatining Marg‘ilon shahrida harakatlanib ketayotgan Nexia-1 avtomashinasi yonib ketdi. Bu haqda “Daryo”ga viloyat Favqulodda vaziyatlar boshqarmasi xabar berdi.
Boshqarma axborot xizmatining ma’lum qilishicha, 24-sentabr kuni soat 21:23 da Marg‘ilon halqa yo‘lida Farg‘ona—Qo‘qon yo‘nalishi bo‘ylab harakatlanib ketayotgan Nexia-1 avtomashinasida yong‘in sodir bo‘lgan.
O‘t o‘chiruvchilar voqea joyiga 21:28 da yetib borgan, 21:29 da o‘rab olinib, 21:32 da yong‘in o‘chirilgan. Yong‘in natijasida jarohatlanganlar yo‘q.
Hodisaga avtomashinada elektr simlarining qisqa tutashuvi sabab bo‘lgani taxmin qilinmoqda. Ayni paytda zarar miqdori aniqlanmoqda.
Izoh (0)