Prezident matbuot kotibi Sherzod Asadov ishtirokida 26 sentabr kuni o‘tkazilgan brifingda prezident Shavkat Mirziyoyevning haftalik ish grafiki haqida ma‘lumot berildi. Bu haqda “Daryo” muxbiri xabar berdi.
Sherzod Asadovning aytishicha, boshlangan haftada davlat rahbarining ish jadvallaridan O‘zbekistonning iqtisodiy va ijtimoiy rivojiga bag‘ishlanagan qator muhokamalarni o‘tkazish rejalashtirilgan.
“Jumladan, ulardan alohida ahamiyatga ega quyidagilarni aytib o‘tmoqchiman. Bugun elektrotexnika sanoatidagi istiqbolli yo‘nalishlar hamda kelgusidagi asosiy vazifalar yuzasidan soha rahbarlari va mas’ullarining prezidentimizga hisobotlari rejalashtirilgan”, — deydi Prezident matbuot kotibi.
Shuningdek, Shavkat Mirziyoyev ishtiroklarida respublikamizdagi arxitektura qurilish oliygohlari transformatsiyasini jadallashtirish chora-tadbirlari yuzasidan taqdimotlar o‘tkazish ko‘zda tutilgan.
Bundan tashqari hafta davomida prezidentning Jahon banki vitse-prezidenti Anna Byerde bilan uchrashuvi bo‘lib o‘tadi.
Izoh (2)
ўзбекистонда катта лойиҳаларни амалга ошириш учун жуда катта имкониятлар бор. Фақат бунга инвестиция керак. Жаҳон банки пул тикса зўр бўлади.
Жаҳон банки Ўзбекистонга инветиция киритишга қизиқади. Чунки Ўзбекистонда яхши потенциал бор.