Фарғона вилоятининг Марғилон шаҳрида ҳаракатланиб кетаётган Nexia-1 автомашинаси ёниб кетди. Бу ҳақда «Дарё»га вилоят Фавқулодда вазиятлар бошқармаси хабар берди.
Бошқарма ахборот хизматининг маълум қилишича, 24 сентябрь куни соат 21:23 да Марғилон ҳалқа йўлида Фарғона—Қўқон йўналиши бўйлаб ҳаракатланиб кетаётган Nexia-1 автомашинасида ёнғин содир бўлган.
Ўт ўчирувчилар воқеа жойига 21:28 да етиб борган, 21:29 да ўраб олиниб, 21:32 да ёнғин ўчирилган. Ёнғин натижасида жароҳатланганлар йўқ.
Ҳодисага автомашинада электр симларининг қисқа туташуви сабаб бўлгани тахмин қилинмоқда. Айни пайтда зарар миқдори аниқланмоқда.
Изоҳ (0)