Тошкент шаҳри, Чилонзор тумани, Бунёдкор кўчасидаги меҳмонхона кимошди савдосига қўйилди. Лот маълумотлари «E-auksion» порталида келтирилган.
Лот аукционга иқтисодий судлар ҳукми билан Миробод тумани МИБ томонидан қўйилган. Меҳмонхона 4 қаватли ва 192 хонадан иборат.
Ер участкасининг умумий майдони — 0,61 гектар. Бинонинг майдони — 6 003 квадрат метр.
1990—2018 йиллар оралиғида қурилган ушбу меҳмонхонада сув, электр, газ таъминоти ва канализация тизими мавжуд.
Аукционга қўйилган меҳмонхонанинг бошланғич баҳоси — 19 млрд сўм. Аризалар 10 октябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Хоразмдаги меҳмонхона 18,5 млрд сўмга аукционга қўйилгани ҳақида хабар берилган эди.
Изоҳ (0)