O‘zbekistonlik aktyor Shahzod Sultonov 26-sentabr, dushanba kuni MMA’da debyut qildi.
Andijon shahrida bo‘lib o‘tgan MMA kechasining asosiy jangida Sultonovga Farohiddin Turdiboyev raqib bo‘ldi. Jangchilar -90 kg vazn toifasida o‘tkazildi.
Dastlabki raund teng kurashlar ostida o‘tdi. Ikkinchi raundda Turdiboyev parter holatida jangni nazorat qildi.
Uchinchi raund ham Farohiddinning ustunligida boshlangandi, biroq Sultonov raqibning xatosidan foydalanib, maunt holatiga o‘tib oldi va ketma-ket zarbalardan keyin hakam texnik nokaut qayd etdi.
Shu tariqa Shahzod Sultonov MMA’dagi debyut jangida g‘alabaga erishdi.
Izoh (0)