Dunyoning birinchi raqamli tennischisi bo‘lib turgan Karlos Alkaras Ispaniya qiroli bilan uchrashdi.
“Sarsuela saroyida qirol Filipp VI bilan uchrashish men uchun sharaf. Qo‘llab-quvvatlaganingiz uchun minnatdorman”, — deb yozadi US Open chempioni.
Eslatib o‘tamiz, 19 yoshli Alkaras 11-sentabr kuni US Open finalida g‘alaba qozondi va Rafael Nadal “Rolan Garros—2005”ni yutgan davrdan keyin “Ulkan toj” turkumiga kiruvchi sovrinni qo‘lga kiritgan eng yosh tennischiga aylandi.
Shuningdek, “Ulkan toj”ning 22 karra chempioni Rafael Nadal ham Ispaniya qiroli bilan uchrashdi. Unga AQSHda Ispaniyaning imidjini yaxshilagani uchun Camino Real sovrini topshirildi.
“Buyuk tarixiy ahamiyatga ega bo‘lgan mukofotni olish men uchun katta sharaf va katta quvonch, tennisdagi mehnatim va ushbu sportga bo‘lgan ishtiyoqim tufayli uni chegaralarimizdan tashqariga olib chiqqanim e’tirofidir”, — deydi Nadal.
Izoh (0)