Angliya Kubogidagi ayrim o‘yinlar kunduz kuniga ko‘chirilishi mumkin

Angliyadagi ayrim futbol o‘yinlari vaqti o‘zgarishi mumkin.

Elektr energiyasi narxlari o‘sgani sabab Angliyaning quyi divizion klublari ishtirokidagi bahslar va kubok o‘yinlari kunduz kuni o‘tkazilishi mumkin, deya xabar qilmoqda The Independent.

Shu munosabat bilan o‘tkazilgan so‘rovnomada qatnashgan 40 ta klubdan 63 foizi ushbu taklifga rozi bo‘lgan.

Buyuk Britaniya hukumati elektr energiyasi narxining o‘sishidan zarar ko‘rgan tadbirkorlarga yordam berishini ma’lum qildi, biroq bu futbol klublariga ham ta’sir qilish yoki qilmasligi noma’lum.

So‘rovnomada qatnashgan klublar elektr energiyasi inqirozining xavflilik darajasini 10 ballik tizimda 7-8 ballga baholagan.