Futbol bo‘yicha Millatlar Ligasining qoldirilgan 1-tur o‘yinida Shotlandiya 21-sentabr, chorshanba kuni Ukraina bilan bahs olib bordi.
Birinchi bo‘limda darvozalar daxlsiz qoldi. Ikkinchi bo‘limda shotlandlar ishonchliroq harakat qildi va uchrashuvning 70-daqiqasida Jon Makginn hisobni ochdi. 80-daqiqada Lindon Dayks hisobni ishonchli ko‘rinishga olib keldi. O‘yin so‘ngida Dayks dublni rasmiylashtirdi.
Shu tariqa Shotlandiya ochkolari sonini 9 taga yetkazib, o‘z guruhida 1-o‘ringa ko‘tarilib oldi. Ukraina esa 7 ochko bilan 2-pog‘onani band etdi.
Millatlar Ligasi
1-tur bahsi
21-sentabr, chorshanba
Shotlandiya – Ukraina 3:0
Gol: 1:0 – 70 Makginn, 2:0 — 80 Dayks, 3:0 — 87 Dayks.Shotlandiya: Gordon, Patterson (Hiki, 26), Makkenna, Hendri, Tirni (Taylor, 85), Armstrong (Freyzer, 76), Makgregor, Makginn, Kristi (Maklin, 85), Maktomini, Adams (Dayks, 77).
Ukraina: Trubin, Karavaev, Matvienko, Bondar, Mixaylichenko, Yarmolenko (Sigankov, 68), Mudrik (Ignatenko, 84), Stepanenko (Sidorchuk, 46), Malinovskiy, Pixalenok (Zubkov, 83), Dovbik (Yaremchuk, 67).
Ogohlantirishlar: Stepanenko (18), Bondar (45), Yaremchuk (71), Sidorchuk (83), Malinovski (90+2).
Izoh (0)