Дунёнинг биринчи рақамли теннисчиси бўлиб турган Карлос Алкарас Испания қироли билан учрашди.
«Сарсуэла саройида қирол Филипп VI билан учрашиш мен учун шараф. Қўллаб-қувватлаганингиз учун миннатдорман», — деб ёзади US Open чемпиони.
Эслатиб ўтамиз, 19 ёшли Алкарас 11 сентябрь куни US Open финалида ғалаба қозонди ва Рафаэль Надаль «Ролан Гаррос—2005»ни ютган даврдан кейин «Улкан тож» туркумига кирувчи совринни қўлга киритган энг ёш теннисчига айланди.
Шунингдек, «Улкан тож»нинг 22 карра чемпиони Рафаэль Надаль ҳам Испания қироли билан учрашди. Унга АҚШда Испаниянинг имиджини яхшилагани учун Cамино Реал соврини топширилди.
«Буюк тарихий аҳамиятга эга бўлган мукофотни олиш мен учун катта шараф ва катта қувонч, теннисдаги меҳнатим ва ушбу спортга бўлган иштиёқим туфайли уни чегараларимиздан ташқарига олиб чиққаним эътирофидир», — дейди Надал.
Изоҳ (0)