Ayni vaqtda prezident Shavkat Mirziyoyev Nurafshon shahrida Xalq deputatlari Toshkent viloyati kengashining sessiyasida ishtirok etmoqda. Bu haqda “Daryo” muxbiri xabar berdi.
Davlat rahbari nutqining avvalida iqtisodiyotimiz rivojiga salmoqli hissa qo‘shib kelayotgan, mehnatkash, bag‘rikeng, ko‘pmillatli poytaxt viloyati ahliga chuqur hurmati va eng ezgu tilaklarini bildirdi.
Toshkent viloyati o‘zining tabiiy va qazilma boyliklari, sanoat va transport-logistika salohiyati, barqaror energiya ta’minoti, malakali mehnat resurslari bilan ajralib turishi ta’kidlandi.
“Mavjud barcha imkoniyatlarni to‘liq ishga solib, viloyatga yanada ko‘p investitsiya olib kelish, tadbirkorlikni rivojlantirish, yangi korxonalar va ish o‘rinlarini ko‘paytirish, infratuzilmani yaxshilash, aholi muammolarini hal etish doimo e’tiborimiz markazida bo‘ladi”, — dedi prezident.Sessiyada Toshkent viloyatiga hokim tayinlash bo‘yicha tashkiliy masala ko‘rib chiqilmoqda.
Nomzod bo‘yicha muhokamalarni boshlashdan avval so‘zni nomzodga berib, uning 10 oy davomida viloyatda to‘plagan tajribasi va xulosalari asosida kelgusida hududni jadal rivojlantirish, aholiga munosib turmush sharoiti yaratish, mavjud muammolarni hal etish bo‘yicha rejalarini eshitish taklif qilindi.
Izoh (1)
Naga yangilik yozzsangiz oxirigacha tafsiloti bilan yozmaysizlar Kun otsinga ishlayotganlarga o'xshab qoldilar oldin bunaqamas edilaru