Фарғона аэропортида йўловчининг 11 дона тулки мўйнасини яширинча олиб ўтишга уриниши наф бермади. Бу ҳақда «Дарё»га вилоят божхона бошқармаси ахборот хизмати маълум қилди.
Қайд этилишича, хориждан авиарейс билан учиб келган фуқаро З.А.нинг ҳаракатлари вилоят божхона бошқармаси «Фарғона аэропорти» чегара божхона пости ходимларида шубҳа уйғотган. Шу сабабдан, «яшил йўлак» орқали ҳаракатланаётган ушбу фуқаро қизил йўлакка йўналтирилиб, унга тегишли қўл юклари божхона назоратидан ўтказилган. Натижада фуқаронинг қўл юклари орасида божхона ходимининг оғзаки сўровида маълум қилинмаган ҳамда йўловчи божхона декларациясида қайд этилмаган 11 дона табиий тулки мўйналари борлиги аниқланган.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)