Англиядаги айрим футбол ўйинлари вақти ўзгариши мумкин.
Электр энергияси нархлари ўсгани сабаб Англиянинг қуйи дивизион клублари иштирокидаги баҳслар ва кубок ўйинлари кундуз куни ўтказилиши мумкин, дея хабар қилмоқда The Independent.
Шу муносабат билан ўтказилган сўровномада қатнашган 40 та клубдан 63 фоизи ушбу таклифга рози бўлган.
Буюк Британия ҳукумати электр энергияси нархининг ўсишидан зарар кўрган тадбиркорларга ёрдам беришини маълум қилди, бироқ бу футбол клубларига ҳам таъсир қилиш ёки қилмаслиги номаълум.
Сўровномада қатнашган клублар электр энергияси инқирозининг хавфлилик даражасини 10 баллик тизимда 7-8 баллга баҳолаган.
Изоҳ (0)