Hukumatning 19-sentabrdagi qarori bilan birlamchi tibbiy-sanitariya muassasalarida faoliyat yuritayotgan shifokorlar oylik ish haqiga qo‘shimcha har oylik ustama to‘lanadigan olis va chekka hududlar (297 ta) ro‘yxati tasdiqlandi.
Aprel oyida “Birlamchi tibbiy-sanitariya yordamini aholiga yaqinlashtirish va tibbiy xizmatlar samaradorligini oshirish bo‘yicha qo‘shimcha chora-tadbirlar to‘g‘risida”gi prezident qarori qabul qilingandi. Qaror bilan “Qishloq shifokori” dasturi takomillashtirilishi belgilangandi.
Ushbu dastur doirasida olis va chekka hududlardagi oilaviy shifokor punktlari va oilaviy poliklinikalarda faoliyat yuritayotgan barcha shifokorlar oylik ish haqiga qo‘shimcha 2 million so‘m miqdorida har oylik ustama belgilanadi hamda ularga ipoteka asosida uy-joy sotib olishda uy-joy qiymatining 50 foizigacha qismi, biroq BHMning 500 barobaridan (150 million so‘mdan) oshmagan miqdorda qoplab beriladi.
Shuningdek, olis va chekka hududlarda uzluksiz 3 yil ishlagan shifokorlar klinik ordinaturaga test sinovlarisiz qabul qilinadi.
Izoh (2)
Chekka hududlar 297 ta shuni ro'yxati chiqganmi
Ассалому алайкум кайси худудларга имтёз берилганлиги руйхатни кайдан олсак булади