Альянс ҳарбий қўмитаси раиси адмирал Роб Бауер ўз интервьюсида НАТОнинг Россия билан урушмаслиги ҳақида айтиб ўтди, деб хабар беради «РБК».
НАТО Россия билан урушаётгани йўқ. Менимча, бу очиқ-ойдин тушунарли. Агар Россия аъзо давлатларимиздан бирига ҳужум қилса, биз иттифоқдошимиз ҳудудининг ҳар бир қисмини ҳимоя қилган бўлардикМосква Украинада Россия НАТО билан тўқнаш келганини бир неча бор таъкидлаган. Хусусан, август ойи бошида президент маъмурияти раҳбарининг биринчи ўринбосари Сергей Кириенко шундай баёнот билан чиққан эди. Унинг сўзларига кўра, Украина ҳукумати Ғарб ва НАТОга «ўз давлати, ҳудуди ва энг ёмони, халқини фойдаланиш учун бериб қўйган» ва бу Россияга қарши «фундаментал қарама-қаршилик»ни бошлаб берган.Альянс Киевга алоқа ускуналари, тиббий асбоб-ускуналар, дронлар ва бошқалар каби «ўлимга олиб келмайдиган» ёрдамларни беради. Умуман олганда, Украинага нафақат НАТО, балки ташкилотга аъзо бўлмаган давлатлар ҳам кўмаклашмоқда.
НАТО ўз ҳаракатлари билан Украинани ва унинг ўзини ҳимоя қилиш ҳуқуқини қўллаб-қувватлайди.
Роб Бауер, Альянс ҳарбий қўмитаси раиси
Альянс махсус операция бошланишидан бироз олдин янги Стратегик концепцияни қабул қилган ва унда Москвани блок хавфсизлигига бевосита таҳдид деб атаганди. Бироқ АҚШ Мудофаа вазири Ллойд Остин НАТО Россия билан қарама-қаршиликка интилмаслигини, балки «НАТОнинг бир иттифоқчисига ҳужум барчага ҳужум дегани» тамойилига амал қилишини маълум қилган эди.
Изоҳ (0)