Toshkent shahri Olmazor tumani Qizg‘aldoq ko‘chasida 17-sentabr kuni yong‘in sodir bo‘lgani aks etgan videolar tarqaldi. Favqulodda vaziyatlar vazirligi holatga aniqlik kiritdi.
Ma’lum bo‘lishicha, soat 18:07 da Qizg‘aldoq ko‘chasida joylashgan moy ishlab chiqarish sexi hududida yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra 7 ta yong‘in-qutqaruv ekipaji soat 18:17 da voqea joyiga yetib borgan. Hozirda yong‘inni bartaraf etish ishlari amalga oshirilmoqda.
Dastlabki ma’lumotlarga ko‘ra hududdagi 3 ta rezurvuarda moy mahsuloti yongan.
Vaziyat to‘liq nazoratga olingan. Yong‘in joyiga vazirlik rahbariyati, Toshkent shahri FVB va tuman FV bo‘limi rahbar xodimlari yetib borgan.
Izoh (0)