Toshkentda Lacetti Damas’ning orqasiga borib urildi
Toshkent shahri Yunusobod tumanida 16-sentabr kuni ikkita mashina o‘rtasida yo‘l-transport hodisasi sodir etildi. Bu haqda shahar Ichki ishlar bosh boshqarmasi xabar qildi.
Qayd etilishicha, shu kuni soat 21:40 larda Ahmad Donish ko‘chasida bir yo‘nalishda harakatlanib kelayotgan haydovchilar, 2001-yilda tug‘ilgan I.G‘. boshqaruvidagi Lacetti va 1988-yilda tug‘ilgan K.T. boshqaruvidagi Damas mashinalari o‘rtasida to‘qnashuv sodir bo‘lgan. Lacetti bir yo‘nalishda harakatlanib kelayotgan Damas’ning orqa qismiga borib urilgan.
YTH oqibatida Damas transport vositasi haydovchisi tan jarohati olgan va zudlik bilan tez tibbiy yordam xodimlari tomonidan birinchi tibbiy yordam ko‘rsatilgan.
“Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda”, — deyiladi xabarda.
