Sudyalar oliy kengashi yig‘ilishida bir necha nafar sudyaning vakolatlarini muddatidan ilgari tugatishga oid masala ham ko‘rib chiqildi. Bu haqda Oliy sud matbuot xizmati xabar berdi.
Yakunda kengash qarori bilan:
Buxoro viloyati jinoyat ishlari bo‘yicha Buxoro shahri sudi sudyasi S.Badriddinov sudyalik qasamyodini hamda Sudyalar odobi kodeksi talablarini buzgani;
Surxondaryo viloyati fuqarolik ishlari bo‘yicha Termiz tumanlararo sudi sudyasi N.Baratov va Toshkent viloyati fuqarolik ishlari bo‘yicha Chirchiq tumanlararo sudi sudyasi F.Jalolova odil sudlovni amalga oshirish chog‘ida qonuniylikni buzgani uchun lavozimidan ozod etilib, vakolatlari muddatidan ilgari tugatildi.
Shuningdek, Toshkent viloyati Nurafshon tumanlararo ma’muriy sudi raisi B.Normamatov o‘z arizasi ko‘ra, Sirdaryo viloyat sudi iqtisodiy ishlar bo‘yicha sudyasi X.Nabiyev vafot etgani sababli vakolatlari muddatidan ilgari tugatilib, lavozimidan ozod qilindi.
Izoh (0)