AQSH prezidenti Jo Bayden ma’muriyati Qohiradagi inson huquqlarining buzilishi sababli Misrga atalgan 130 million dollarlik harbiy yordamni qisqartirishga qaror qildi, deya xabar beradi “Interfaks”.
AQSH davlat kotibi Entoni Blinken 300 million dollarlik yordam paketidan 130 million ushlab qolinishi haqida Misrni xabardor qildi.
Shu bilan birga, Vashington qolgan 170 million dollarlik yordamni taqdim etadi, bunga sabab esa Qohiradagi 500 nafar siyosiy mahbusning ozod qilinishi va siyosiy hibslar borasida ijobiy o‘zgarishga erishilganidir.
2021-yilda ham AQSH Misrga yo‘naltirilgan 300 million dollarlik yordamdan 130 million ushlab qolgan va buni mamlakatdagi inson huquqlarining buzilishi bilan izohlagan edi.
Izoh (0)