АҚШ президенти Жо Байден маъмурияти Қоҳирадаги инсон ҳуқуқларининг бузилиши сабабли Мисрга аталган 130 миллион долларлик ҳарбий ёрдамни қисқартиришга қарор қилди, дея хабар беради «Интерфакс».
АҚШ давлат котиби Энтони Блинкен 300 миллион долларлик ёрдам пакетидан 130 миллион ушлаб қолиниши ҳақида Мисрни хабардор қилди.
Шу билан бирга, Вашингтон қолган 170 миллион долларлик ёрдамни тақдим этади, бунга сабаб эса Қоҳирадаги 500 нафар сиёсий маҳбуснинг озод қилиниши ва сиёсий ҳибслар борасида ижобий ўзгаришга эришилганидир.
2021 йилда ҳам АҚШ Мисрга йўналтирилган 300 миллион долларлик ёрдамдан 130 миллион ушлаб қолган ва буни мамлакатдаги инсон ҳуқуқларининг бузилиши билан изоҳлаган эди.
Изоҳ (0)