Ukraina mudofaa vaziri o‘rinbosari Xanna Malyarning ma’lum qilishicha, mamlakat shimoli-sharqidagi 300 ga yaqin aholi punktida 150 ming nafar fuqaro Rossiya nazoratidan qaytarib olingan hududlarda istiqomat qilmoqda. Bu haqda The New York Times xabar bermoqda.
Rossiya kuchlari orqaga chekinib, Ukraina qo‘shinlari shimoli-sharqda yuzlab kvadrat kilometr maydonni egallaganidan so‘ng, bir necha oy davomida Rossiya istilosi ostida tirik qolish umidida yashab kelgan mahalliy aholi endilikda e’tiborini turmush tarzini tiklashga qaratmoqda.
Zelenskiy Rossiya harbiylaridan ozod etilgan hududlarda pensiyalarni to‘lash qaytadan boshlanishini ta’kidladi. Shuningdek, u Balakleyada ham besh oylik kechiktirilgan to‘lovlar birdaniga berilishini qo‘shimcha qilgan.
O‘z qo‘shinlarimiz va bayrog‘imiz bilan birga bosib olingan hududlarga oddiy hayot tarzining qaytishi juda muhim. Ukraina har doim odamlar oldidagi ijtimoiy majburiyatlarini bajaradi.Vladimir Zelenskiy Ukraina prezidenti
Izoh (0)