Halok bo‘lgan va asirga tushgan rus askarlari, Zelenskiyning tashrifi — ozod qilingan Izyumdan ilk suratlar e’lon qilindi (foto)
Le Monde nashri ozod qilingan Izyumdan ilk kadrlarni chop etdi — ularda rus askarlarining jasadlari, shuningdek, asirlikdagi harbiylar ko‘rsatilgan. 14-sentabr kuni Vladimir Zelenskiy Ukraina Qurolli kuchlarining muvaffaqiyatli qarshi hujumi paytida qaytarib olingan Izyumga tashrif buyurdi. Shaharda halok bo‘lganlarning jasadlari eksgumatsiya qilinmoqda. Ozod qilingan boshqa aholi punktlarida (Ukraina Mudofaa vaziri o‘rinbosari Anna Malyarning so‘zlariga ko‘ra, Xarkov viloyatida ularning soni 300 dan ortiq) gumanitar yordam tarqatilmoqda va Rossiya armiyasi qoldirib ketgan narsalar o‘rganilmoqda. Meduza urushning 203-kunidan asosiy fotosuratlarni e’lon qildi.
Izyumda asirga olingan rossiyalik askar tankda ukrain askarlari bilan. Izyum — Ukraina Qurolli Kuchlarining muvaffaqiyatli qarshi hujumi davomida ozod qilingan Xarkov viloyatidagi shaharlardan biri. Surat 11-sentabrda olingan, biroq 14-sentabrga kelib Le Monde jurnalida chop etilgan.Foto: Le Monde
Izyum yo‘lida yotgan rus askarining jasadi.Foto: Le Monde
Ukraina prezidenti Vladimir Zelenskiy Izyumda. “Siz davlatimiz hududini vaqtincha egallab olishingiz mumkin. Lekin Ukraina xalqini okkupatsiya qilishingiz imkonsiz. Miyani yuvishingiz mumkin, lekin ukrainaliklarning yuragini yuva olmaysiz”, — deb yozgan Zelenskiy shaharga qilgan safaridan so‘ng Telegram’dagi kanalida.Foto: Anadolu
Izyum chetidagi dalada Rossiyaning “MT-LB” zirhli transportyori yonmoqda.Foto: AFP
Ukrainalik askar Izyum yaqinidagi qarshi hujum paytida qo‘lga olingan rus artilleriyasini ko‘zdan kechirmoqda.Foto: Reuters
Xarkov viloyatining ozod qilingan Kupyansk shahrida Ukraina Qurolli kuchlari askari rossiyalik harbiylarning paykasini tekshirmoqda.Foto: AP Photo
Izyum chekkasida Rossiya qo‘shinlari tashlab ketgan o‘q-dori qutilari.Foto: AFP
Tinch aholi Izyum yaqinidagi tepalikda uyali aloqa operatori tarmog‘ini tutishga harakat qilmoqda. Devorda “Nijniy Novgorod, Goroxovets, Z” so‘zlari yozilgan. Goroxovets — Rossiyaning Vladimir viloyatidagi shahar.Foto: AFP
Pyotr Shepelning onasi Valentina Shepel Balakleyada eksgumatsiya qilingan o‘g‘lining jasadi ustida yig‘lamoqda. Mahalliy hokimiyat ma’lumotlariga ko‘ra, erkak shahar ozod etilishidan bir kun avval Rossiya nazorat-o‘tkazish punktida otib o‘ldirilgan.Foto: The Washington Post
Verbovka qishlog‘i aholisi (Ukraina Qurolli Kuchlari nazorati ostida) gumanitar yordam olish uchun to‘planmoqda.Foto: The Washington Post
Ozod etilgan Kupyansk shahri yaqinida Ukraina harbiylari shikastlangan “Kupyanskiy rayon” belgisiga davlat bayrog‘ini ilmoqda.Foto: AP Photo
Izoh (0)