Yana bir rossiyalik tadbirkor, korporatsiyaning top menejeri Ivan Pechorin Vladivostokda o‘lik holda topildi, bu rossiyalik rahbarlar orasida sirli o‘limlar ro‘yxatining oxirgisi. Bu haqda CNN xabar bermoqda.
2022-yil 12-sentabr kuni bizning hamkasbimiz, Uzoq Sharq va Arktikani rivojlantirish korporatsiyasining aviatsiya sanoati bo‘yicha boshqaruvchi direktori Ivan Pechorinning fojiali o‘limi haqida ma’lum bo‘ldi, — deyiladi kompaniya dushanba kuni e’lon qilgan bayonotda.
Xabarlarga ko‘ra, Vladivostok ma’muriyati Beregovoe qishlog‘i yaqinida jasad topilganini ma’lum qilgan. Pechorin 10-sentabr kuni Vladivostokdagi Ignatev burni yaqinida cho‘kib ketgan.
Pechorin yanvar oyi oxiridan beri o‘z joniga qasd qilish yoki noma’lum baxtsiz hodisalarda halok bo‘lgan kamida to‘qqizinchi taniqli rossiyalik biznesmen bo‘lib, ulardan oltitasi Rossiyaning ikkita yirik energetika kompaniyasi bilan bog‘liq.
Mavzuga doir: “Gazprom” va “Lukoyl”ga aloqador shubhali o‘limlar: olti oy ichida sakkiz nafar rossiyalik tadbirkor halok bo‘ldi
Bu oltitadan to‘rttasi Rossiya davlat energetika giganti “Gazprom” yoki uning sho‘ba korxonalaridan biriga, qolgan ikkitasi esa Rossiyaning eng yirik xususiy neft va gaz kompaniyasi “Lukoyl” bilan bog‘liq edi.
Yil boshida kompaniya noodatiy jamoatchilik pozitsiyasini egallab, Rossiyaning Ukrainadagi urushiga qarshi chiqdi, qurbonlarga hamdard bo‘lishga va mojaroga barham berishga chaqirdi.
Avvalroq “Lukoyl” kompaniyasi raisi Ravil Maganov sentabr oyi boshida Moskvadagi shifoxona derazasidan yiqilib vafot etgani haqida xabar berilgandi.
Izoh (0)