Soliq mobil ilovasining yangilangan versiyasi taqdim etildi. Bu haqda Davlat soliq qo‘mitasi xabar bermoqda.
Yangilangan versiyada shaxsiy ma’lumotlarni himoya qilish uchun asosiy sahifada ro‘yxatdan o‘tgan foydalanuvchining telefon raqami ko‘rsatilmaydi (faqat ID-raqami ko‘rsatiladi).
Barcha mavjud xizmatlar 3 toifaga bo‘lingan:
- Umumiy;
- Shaxsiy;
- To‘lov.
Ushbu toifalarning har birida:
- to‘liq ishga tushirilgan;
- ishlab chiqish jarayonidagi;
- yaqin vaqtlarda rejalashtirilgan xizmatlar aks ettirilgan.
Endi Soliq mobil ilovasida:
- mamlakat ichidagi sayohat uchun keshbek olish;
- soliq qarzlarini to‘lash;
- Shtrix-kodni skanerlash orqali Milliy katalogdagi mahsulotlar yoki Mahsulotlar va xizmatlar identifikatsiya kodi (MXIK) kodini bilib olish mumkin.
Avvalroq O‘zbekistonda tovar va xizmatlar milliy katoligining yangilangan versiyasi ishga tushirilgani haqida xabar berilgandi.
Izoh (0)