O‘zbekistonda tovar va xizmatlarning yagona elektron katalogining yangilangan versiyasi ishga tushirildi. Bu haqda Davlat soliq qo‘mitasi xabar bermoqda.
Yangilangan talqinda quyidagi yangi funksiyalar mavjud:
- har bir bo‘limi uchun qulay qidiruv tizimi;
- tovarlar va xizmatlarga biriktirilgan qat’iy va tavsiya etilgan o‘lchov birliklarini ko‘rish;
- tovar va xizmatlarga biriktirilgan imtiyozlar ID-raqami;
- mahsulot (xizmat)lar kodining butun zanjirini ko‘rish imkoniyati;
- katalog tuzilmasi bo‘yicha yig‘ma ko‘rsatkichlar.
Yangi imkoniyatlardan foydalanish uchun “tasnif.soliq.uz” sayti bosh sahifasining “Elektron katalog” oynasidagi “Jadvalda ko‘rish” tugmasini bosish lozim.
Mahsulotlar va xizmatlar identifikatsiya kodi (MXIK) asosida mahsulotlarga shtrix-kod va QR-kodni generatsiya qilish uchun yaratilgan texnik imkoniyat muhim yangilik hisoblanadi.
Bu xususiyat kelgusida MXIKga bog‘langan mahsulotlarning shtrix-kodini (QR-kod) skanerlash orqali aylanmadan olib chiqishni sezilarli darajada soddalashtiradi.
Shuningdek saytda “Mahsulot haqida batafsil ma’lumot” yangi bo‘limi qo‘shildi. Unda mahsulot (xususiyatlari, ishlab chiqaruvchisi va boshqalar) haqidagi hamma foydalanishi mumkin bo‘lgan ma’lumotlar bilan tanishish mumkin. Mahsulot kartochkalari bosqichma-bosqich to‘ldirib boriladi.
Izoh (0)