O‘zbekistonda qimmatli qog‘ozlar bozori to‘g‘risidagi qonunchilik hujjatlariga o‘zgartirish va qo‘shimchalar kiritildi. Bu haqda Moliya vazirligi axborot xizmati xabar berdi.
“Qimmatli qog‘ozlar bozori mutaxassislarining malakasini oshirish, ularni qayta tayyorlash tartibi to‘g‘risidagi nizomni tasdiqlash haqidagi buyrug‘iga o‘zgartirishlar kiritish to‘g‘risida”gi buyruqqa quyidagi o‘zgartirishlar kiritildi:
- ta’lim faoliyatini boshlaganlik yoki tugatganlik haqida Ta’lim sifatini nazorat qilish davlat inspeksiyasini xabardor qilish uchun xabarnomalar yuborish va tasdiqnomalar olish, investitsiya maslahatchisi sifatidagi faoliyatni boshlaganlik haqida qimmatli qog‘ozlar bozorini tartibga solish bo‘yicha vakolatli davlat organini xabardor qilish uchun xabarnomalar yuborish va tasdiqnomalar olish;
- mazkur nizom 9-bandining “g” kichik bandidagi “pasport ma’lumotlari” degan so‘zlar “pasport ma’lumotlari yoki identifikatsiya ID-karta ma’lumotlari” degan so‘zlar bilan almashtirildi.
“Qimmatli qog‘ozlar emissiyasi va emissiyaviy qimmatli qog‘ozlar chiqarilishlarini davlat ro‘yxatidan o‘tkazish qoidalarini tasdiqlash to‘g‘risidagi buyrug‘iga o‘zgartirish va qo‘shimcha kiritish to‘g‘risida”gi buyruqqa quyidagi o‘zgartirishlar kiritildi:
- ushbu qoidalarining 8-bandida joylashtirilgan imtiyozli aksiyalarning nominal qiymati jamiyat ustav fondining yigirma besh foizidan oshmasligi belgilandi;
- seriali obligatsiyalar chiqarilish bo‘yicha tegishli qo‘shimchalar kiritildi.
Avvalroq O‘zbekiston xorijiy qimmatli qog‘ozlarni sotib olishni boshlagani haqida xabar berilgandi.
Mavzuga doir: O‘zbekistonda obligatsiyalar: ular o‘zi nima va qanday maqsadlarda chiqariladi?
Izoh (0)