Европа Иттифоқи мажбурий меҳнат билан ишлаб чиқарилган маҳсулотларни тақиқлашни режалаштирмоқда

Европа Иттифоқи ишлаб чиқаришда мажбурий меҳнат қўлланган маҳсулотларга тақиқ жорий этишни режалаштирмоқда. Бу ҳақда Financial Times хабар бермоқда.

Иттифоқ мамлакатлари ишлаб чиқариш, йиғиш ёки қазиб олишнинг исталган босқичида, шу жумладан, қайта ишлашда мажбурий меҳнат қўлланган маҳсулотларни тақиқлашни режалаштирмоқда.

Ҳужжатда таъкидланишича, тақиқ ҳам маҳаллий ишлаб чиқариш, ҳам импорт қилинадиган маҳсулотларга тегишли бўлади. 

Бундан ташқари, чеклов келиб чиқишидан қатъий назар, ҳар қандай турдаги маҳсулотларга, шунингдек, унинг таркибий қисмларига ҳам татбиқ этилиши режалаштирилган. 

Тақиқ келгуси йилда йўлга қўйилиши кутилмоқда. Бунда Европа Иттифоқига аъзо 27 та давлат компаниялар ва бошқа ташкилотларнинг шикоятларини аниқлаш ва ижро этишга масъул бўлади. 

Сентябрь ойи бошида БМТнинг Инсон ҳуқуқлари бўйича олий комиссари Хитой ҳукумати Шинжондаги уйғурлар ва бошқа мусулмон этник озчиликларга нисбатан «жиддий инсон ҳуқуқлари бузилиши»га йўл қўйганини айтган эди.

Хитой дунёдаги энг йирик пахта ишлаб чиқарувчилардан бири ва қуёш панеллари учун асосий материаллар етказиб берувчи Шинжонда инсон ҳуқуқларини суиистеъмол қилаётганини рад этди.