O‘zbekistonda eng ko‘p ipoteka kreditlari berilgan hududlar ma’lum bo‘ldi

Markaziy bank 2022-yilning 8 oyida aholiga ajratilgan ipoteka kreditlari bo‘yicha ma’lumot berdi.

Unga ko‘ra, yil boshidan beri eng ko‘p ipoteka kreditlari berilgan hududlar orasida Toshkent shahri yetakchilik qilmoqda — 2,78 trln so‘m.

Ikkinchi o‘rinni Farg‘ona viloyati (771,4 mlrd so‘m) egallagan bo‘lsa, Samarqand viloyati (732,2 mlrd so‘m) uchinchi bo‘ldi. 

Ipoteka kreditlarining eng kam miqdori Sirdaryo viloyatiga tegishli — 196,5 mlrd so‘m. Bundan tashqari Jizzax (303,8 mlrd so‘m), Xorazm(363 mlrd so‘m) va Qashqadaryo (392,3 mlrd so‘m) viloyatlarida ham nisbatan kam miqdorda kredit ajratilgan.

Yil boshidan beri ipoteka kreditlarining moliyalashtirish manbalari:

• Moliya vazirligi — 6,7 trln so‘m;
• Bank o‘z mablag‘lari —  12,3 trln so‘m;
• Ipotekani qayta moliyalashtirish manbalari — 114,3 mlrd so‘m.

Avvalroq O‘zbekistonda eski uylarni sotib olish uchun ipoteka kreditlari yil oxirida ochilishi mumkinligi haqida xabar berilgan edi.