O‘zbekistonda quyosh energiyasidan foydalangan holda elektromobillarni yuqori tezlikda quvvatlovchi qurilmalarni yaratish va rivojlantirish loyihasi amalga oshirilmoqda. Bu haqda Energetika vazirligi matbuot xizmati xabar bermoqda.
Ma’lum bo‘lishicha, quyosh fotoelektr tizimi orqali mahalliy elektr tarmog‘i bilan parallel holda ishlaydigan elektromobillarni tez quvvatlash qurilmasi ishlab chiqilgan.
Qurilmaga O‘zbekiston iqlim sharoitini hisobga olgan holda energiya saqlash tizimi ham o‘rnatilgan.
Ta’kidlanishicha, har bir tizim yiliga 32 ming kVt/soat elektr energiyasi ishlab chiqaradi. Bu orqali 950 ta elektromobilni quvvatlash imkoniyati yaratilgan.
Buning ortidan 11,2 ming kub metr tabiiy gaz tejalib, atmosferaga 19,8 tonna zararli gazlar chiqishi oldi olinadi.
Avvalroq O‘zbekistonda ikki yilda elektromobil importi qariyb 20 barobar oshgani haqida xabar berilgan edi.
Izoh (0)