АҚШнинг Лас-Вегас шаҳрида Тошкент вақти билан 11 сентябрь тонгида UFC 279 мусобақаси бўлиб ўтди.
Мусобақанинг асосий жанги Нейт Диас ва Тони Фергюсон ўртасида кечди. Дастлабки раунд тенг курашлар остида ўтди. Иккинчи раунддан бошлаб Нейт рақибга нисбатан анча фаол бўлди.
4-раунднинг ўрталарида Диас бўғиш усули билан Фергюсонни таслим бўлишга мажбур қилди. Қизиғи, бу жангдаги илк партер ҳолати эди, бунга қадар иккала яккакурашчи ҳам «стойка»да жанг қилаётганди.
Яна бир марказий жанг Ҳамзат Чимаев (12-0) ва Кевин Ҳолланд (23-8) ўртасида ўтди. Биринчи раунднинг илк сонияларидаёқ Чимаев рақибини партерга олди ва оғритиш усули билан таслим этди.
Қайд этиш керак, аввалига UFC 279 нинг асосий жанги Диас ва Чимаев ўртасида кечиши белгиланган эди. Бироқ Ҳамзат вазн меъёрини бажара олмади ва унинг Диасга қарши жанги бекор қилинди. Нейт ушбу мусобақанинг асосий жангида Тони Фергюсонга қарши октагонга чиқади.
Асосий кард
- Нейт Диас (24-13) 4-раундда Тони Фергюсонни (25-8) сабмишен билан енгди;
- Ҳамзат Чимаев (12-0) 1-раундда Кевин Ҳолландни (23-8) сабмишен орқали таслим этди;
- Даниэль Родригес (17-2) очколар эвазига Ли Сзинлянга (19-8) ютқазиб қўйди;
- Ирен Алдана (14-6) 3-рфундда Мейси Чиассонни (12-3) нокаутга учратди;
- Жонни Уокер (18-7) 1-раундда Ион Куцелабани (16-8-1) сабмишен билан ютди.
- Юлиан Эроса очколар ҳисобига Ҳаким Даводуни ютди;
- Жеилтон Алмейда 1-раундда сабмишен билан Антон Туркалжни таслим этди;
- Денис Тюлюлин 2-раундда Жейми Пикеттни нокаут қилди;
- Крис Барнетт 2-раундда Жейк Коллени нокаутга учратди;
- Норма Думонт очколар эвазига Данелле Вулфни мағлуб этди;
- Ҳейли Алатенг очколар ҳисобига Чед Анҳелигердан устун келди;
- Elize Рид очколар ҳисобига Мелисса Мартинесни енгди;
- Ёҳан Лайнес очколар эвазига Дариан Уиксни ютди.
Изоҳ (0)